سعودی وزیر دفاع کی فیلڈ مارشل سے ملاقات ‘سٹرٹیجک تعلقات مزید مستحکم کرنے پر اتفاق

 مشترکہ مفادات کے تحت عالمی امن اور سکیورٹی کے فروغ کے لئے باہمی تعاون اور مشترکہ کوششوں پر تبادلہ خیال کیا گیا:سعودی وزیر دفاع
ریاض(آن لائن) سعودی عرب کے وزیر دفاع کی فیلڈ مارشل عاصم منیر سے ملاقات ہوئی ہے جس میں دوطرفہ سٹرٹیجک تعلقات کو مزید مستحکم کرنے پر اتفاق ہوا ہے ۔سعودی عرب کے وزیر دفاع خالد بن سلمان کی پاکستان کے چیف آف آرمی سٹاف اور چیف آف ڈیفنس فورسز، فیلڈ مارشل عاصم منیر سے ملاقات ہوئی۔ملاقات کے بعد خالد بن سلمان نے سماجی رابطوں کی ویب سائٹ ایکس پر پوسٹ کے ذریعے بتایا کہ ملاقات میں مضبوط تعلقات اور سٹریٹجک دفاعی شراکت داری کی توثیق کی گئی۔سعودی وزیر دفاع نے لکھا کہ مشترکہ مفادات کے تحت عالمی امن اور سکیورٹی کے فروغ کے لیے باہمی تعاون اور مشترکہ کوششوں پر تبادلہ خیال کیا گیا