ویب ڈیسک: پاکستان کے 79 ویں یوم آزادی کے موقع پر وفاقی وزیر داخلہ محسن نقوی نے قوم کو دل کی گہرائیوں سے مبارکباد پیش کی اور کہا کہ پاکستان 2025 میں دفاع کی مکمل صلاحیت رکھتا ہے اور کوئی دشمن میلی آنکھ سے اس کی طرف نہیں دیکھ سکتا۔
اہم نکات:
وزیر داخلہ نے یوم آزادی کو قربانیوں، جدوجہد اور آزادی کے خوابوں کی تعبیر کا دن قرار دیا اور کہا کہ پاکستان اللہ تعالیٰ کی ایک بہت بڑی نعمت ہے جس کی قدر ہر پاکستانی پر فرض ہے۔انہوں نے بانی پاکستان قائداعظم محمد علی جناح کا حوالہ دیتے ہوئے کہا کہ پاکستان کا قیام مقدر تھا، یہ کسی کی بخشش نہیں بلکہ ہماری جدوجہد کا صلہ ہے۔وزیر داخلہ نے شہداء وطن کو خراج تحسین پیش کیا اور کہا کہ ان کی قربانیاں قوم کبھی نہیں بھولے گی، اور شہداء کے خاندان ہمارے اپنے خاندان ہیں۔محسن نقوی نے کہا کہ پاکستان نے دشمن کو معرکۂ حق میں عبرتناک شکست دے کر ثابت کیا کہ ایمان، اتحاد اور تنظیم آج بھی ہماری طاقت اور بقا کی سب سے بڑی ضمانت ہیں۔وزیر داخلہ نے عزم دہرایا کہ قوم نئے جذبے اور نئی سوچ کے ساتھ آگے بڑھے گی، ہر چیلنج کا ڈٹ کر مقابلہ کرے گی، اور پاکستان کا دفاع ناقابل تسخیر ہے۔ان کا مزید کہنا تھا کہ ان شاء اللہ ملک ترقی و خوشحالی کی نئی منزلیں طے کرے گا۔
