سعودی عرب کے مختلف علاقوں میں جمعہ سے پیر تک موسمی تبدیلی اور بارش کا امکان ظاہر کیا گیا ہے۔
موسمیات کے قومی مرکز کے ترجمان حسین القحطانی نے اپنے آفیشل اکاؤنٹ پر جاری کردہ بیان میں بتایا ہے کہ ملک کے مختلف شہروں اور علاقوں میں اس عرصے کے دوران موسمی بارشیں ہونے کا امکان ہے۔انہوں نے عوام سے اپیل کی ہے کہ وہ موسمی حالات کے پیش نظر احتیاطی تدابیر اختیار کریں اور متعلقہ حکومتی اداروں کی ہدایات پر عمل کریں۔ علاوہ ازیں، موسم کی تازہ ترین معلومات اور الرٹس کے لیے موسمیات کے قومی مرکز کی سرکاری اطلاعات سے باخبر رہنے کی ہدایت دی گئی ہے۔یہ موسمی تبدیلی ممکنہ طور پر شہری زندگی اور روزمرہ سرگرمیوں پر اثر انداز ہو سکتی ہے، اس لیے عوام کو چاہیے کہ وہ حفاظتی تدابیر اختیار کریں اور معمولی سے موسمی تبدیلی کو سنجیدگی سے لیں۔
