ڈی آئی جی کا تھانہ باغبانپورہ کادورہ ، حوالات کامعائنہ

فیصل کامران نے تھانے میں موجود سائلین سے ملاقات کی، مسائل سنے 
لاہور(کرائم رپورٹر)ڈی آئی جی آپریشنز لاہور فیصل کامران نے عوام دوست پولیسنگ اور سروس ڈلیوری کو مزید مئوثر بنانے کے لیے تھانہ باغبانپورہ کا اچانک دورہ کیا، جہاں انہوں نے تھانے کے مختلف شعبوں کا تفصیلی معائنہ کیا،دورے کے دوران ڈی آئی جی آپریشنز نے تھانے میں موجود سائلین سے ملاقات کی، ان سے تھانے آنے کی وجوہات اور شکایات معلوم کیں اور متعلقہ افسران کو مسائل کے فوری حل کے احکامات جاری کیے۔ڈی آئی جی آپریشنز لاہورفیصل کامران نے حوالات کا بھی معائنہ کیا، زیرِ حراست ملزمان سے فرداً فرداً مقدمات کی تفصیلات دریافت کیں، ہر ملزم سے نام اور گرفتاری کی وجہ پوچھی جبکہ ایس ایچ او سے مقدمات پر بریفنگ بھی لی۔