شہر لاہور میں موسم سرد اور خشک ہے، جبکہ فضا میں خنکی برقرار ہے۔ مطلع جزوی طور پر ابر آلود ہے اور موجودہ درجہ حرارت 16 ڈگری سینٹی گریڈ ریکارڈ کیا گیا ہے۔
محکمہ موسمیات کے مطابق آئندہ 24 گھنٹوں کے دوران بارش کا کوئی امکان نہیں۔
فضائی آلودگی میں خطرناک حد تک اضافہ
لاہور کی ایئر کوالٹی انڈیکس (AQI) کی مجموعی شرح 184 ریکارڈ کی گئی، جس کے باعث لاہور دنیا کے آلودہ ترین شہروں میں تیسرے نمبر پر آ گیا ہے۔
امریکی قونصلیٹ میں آلودگی کی شرح 227
جوہر ٹاؤن میں 216
غازی روڈ پر 200 ریکارڈ کی گئی
ملک بھر میں موسم کی صورتحال
محکمہ موسمیات کے مطابق ملک بھر میں موسم خشک اور سرد رہے گا، جبکہ کہیں بھی بارش کا امکان نہیں۔
اسلام آباد: موسم سرد اور خشک رہے گا
بلوچستان: شمالی اضلاع میں سردی کی شدت برقرار
پنجاب: بہاولپور، ملتان، ڈیرہ غازی خان اور رحیم یار خان میں سرد موسم اور دھند کا امکان
مری و گلیات: سخت سردی برقرار
سندھ: بیشتر اضلاع میں موسم خشک رہے گا
خیبر پختونخوا: بیشتر اضلاع میں سرد اور خشک موسم کا امکان
گلگت بلتستان و آزاد کشمیر: شدید سردی اور خشک موسم کا امکان
درجہ حرارت میں اضافے کا امکان
موسمیاتی تجزیہ کار جواد میمن کے مطابق شمالی بحیرہ عرب میں بننے والے اینٹی سائیکلون کے باعث لاہور کا درجہ حرارت بڑھ رہا ہے، اور آئندہ 24 سے 36 گھنٹوں میں درجہ حرارت مزید بڑھ سکتا ہے۔
آج زیادہ سے زیادہ درجہ حرارت 32 ڈگری سینٹی گریڈ تک جانے کا امکان
رات میں موسم خشک اور دن کے وقت تیز دھوپ رہے گی
موجودہ درجہ حرارت 20 ڈگری سینٹی گریڈ
شمال مشرقی سمت سے ہوائیں 8 کلومیٹر فی گھنٹہ کی رفتار سے چل رہی ہیں
ہوا میں نمی کا تناسب 48 فیصد
ماہرین کے مطابق اینٹی سائیکلون عام طور پر سرد موسم کے رخصت ہونے کی علامت ہے، جس کے باعث آئندہ دنوں میں درجہ حرارت مزید بڑھ سکتا ہے۔
