لاہور میں موسم اور فضائی آلودگی
لاہور میں سرد موسم برقرار ہے اور فضا میں خنکی محسوس کی جارہی ہے۔ موجودہ درجہ حرارت 11 ڈگری سینٹی گریڈ ریکارڈ کیا گیا ہے، جبکہ آئندہ 24 گھنٹوں میں موسم خشک رہنے کا امکان ہے۔ شہر میں بارش کی پیش گوئی نہیں کی گئی، اور دن میں درجہ حرارت 20 ڈگری سینٹی گریڈ تک پہنچ سکتا ہے جبکہ رات کے وقت کم سے کم درجہ حرارت 9 ڈگری سینٹی گریڈ تک گر سکتا ہے۔
فضائی آلودگی کی صورتحال
لاہور کا ایئر کوالٹی انڈیکس (AQI) 172 ریکارڈ کیا گیا ہے، جس کے بعد لاہور دنیا کے آلودہ ترین شہروں کی فہرست میں تیسرے نمبر پر آگیا ہے۔
یو ایس قونصلیٹ: 433
جوہر ٹاؤن: 260
عسکری ٹین: 230
اڈا پلاٹ: 214
فیز 8، ڈی ایچ اے: 212
ماہرین نے شہریوں کو فضائی آلودگی کے مضر اثرات سے بچنے کے لیے دوران سفر ماسک استعمال کرنے کی ہدایت کی ہے اور ماحول کو بہتر بنانے کے لیے شجرکاری کی اہمیت پر زور دیا ہے۔
خیبر وادی تیراہ میں برفباری
خیبر وادی تیراہ میں برفباری کا سلسلہ جاری ہے، جس سے علاقے کے پہاڑوں نے سفید چادر اوڑھ لی ہے۔ برفباری سے وادی کا حسن مزید نکھر گیا ہے، تاہم رابطہ سڑکوں کی بندش اور انٹرنیٹ سروس کی معطلی کے باعث مقامی افراد کو مشکلات کا سامنا ہے۔
