آزاد کشمیر کے علاقے راولاکوٹ میں مبینہ طور پر پرتشدد واقعات پیش آئے ہیں جن میں سکیورٹی اہلکاروں کو نقصان پہنچا ہے۔
ابتدائی اطلاعات کے مطابق بعض عناصر کی جانب سے فائرنگ اور پتھراؤ کے نتیجے میں ڈیوٹی پر موجود متعدد سکیورٹی اہلکار زخمی ہو گئے۔ اہلکار علاقے میں امن و امان برقرار رکھنے اور شہریوں کے تحفظ کے لیے تعینات تھے۔حکام کے مطابق صورتحال کے دوران کشیدگی بڑھ گئی، جس کے بعد سکیورٹی اداروں نے علاقے میں کنٹرول برقرار رکھنے کے لیے اقدامات کیے۔اس سے قبل بھی علاقے میں احتجاجی سرگرمیوں اور سرکاری اداروں کے ساتھ تصادم کے واقعات رپورٹ ہوتے رہے ہیں، جن میں سرکاری املاک کو نقصان اور اہلکاروں کے زخمی ہونے کے واقعات شامل ہیں۔سیکیورٹی اور انتظامی ماہرین کا کہنا ہے کہ اس نوعیت کے واقعات سے خطے میں امن و امان کی صورتحال متاثر ہو سکتی ہے، لہٰذا فریقین سے تحمل اور مکالمے کی ضرورت ہے۔
