صنعتکاروں کے مسائل ترجیحی بنیادوں پر حل کئے جارہے ہیں:چودھری شافع حسین

 انڈسٹریل اسٹیٹس میں حاصل پلاٹوں پر پالیسی کے مطابق صنعتی یونٹس نہ لگانے والوں کے پلاٹ کینسل کئے 
لاہور(سپیشل رپورٹر) صوبائی وزیر صنعت و تجارت چوہدری شافع حسین سے ایوان صنعت و تجارت گوجرانوالہ کے صدر علی ہمایوں بٹ کی قیادت میں وفد نے ملاقات کی۔پیسک ہاؤس میں ہونے والی ملاقات میں گوجرانوالہ کی انڈسٹری کو درپیش مسائل پر بات چیت ہوئی۔وفد نے گوجرانوالہ میں میٹل پروسیسنگ زون کے قیام کا مطالبہ کیا۔صدر گوجرانوالہ چیمبرنے کہاکہ شہر میں پھیلے میٹل انڈسٹری کے 800 یونٹس کو ایک جگہ منتقل کرنے کیلئے میٹل پروسیسنگ زون کا قیام ناگزیر ہے۔صنعت کاروں کے وفدنے گوجرانوالہ میں ایکسپو سینٹر کے قیام کا بھی مطالبہ کیا۔سیکرٹری انڈسٹریز عمر مسعود،ایم ڈی پنجاب سمال انڈسٹریز کارپوریشن سائرہ عمر اور ڈی جی پنجاب سرمایہ کاری بورڈ ڈاکٹر سہیل احمد بھی ملاقات میں موجودتھے۔ملاقات میں کمشنرآفس میں موجود بزنس فسیلیٹیشن سینٹر گوجرانوالہ چیمبر آفس میں منتقل کرنے کا فیصلہ کیاگیا۔گوجرانوالہ میں ایکسپو سینٹر اور میٹل پروسیسنگ زون کے قیام کی تجاویز کا بھی تفصیلی جائزہ لیا گیا۔صوبائی وزیر صنعت و تجارت چوہدری شافع حسین نے اس موقع پر گفتگو کرتے ہوئے کہا کہ صنعتکاروں کو قومی معیشت میں کلیدی حیثیت حاصل ہے۔