شازیہ مری کیخلاف مبینہ جعلی ڈگری پر نااہلی کی درخواست مسترد

 آئین کے تحت رکنِ پارلیمنٹ کو نااہل قرار دینے کا اختیار ہائی کورٹ کو حاصل نہیں:سندھ ہائیکورٹ 
کراچی (آن لائن)سندھ ہائی کورٹ نے رکنِ قومی اسمبلی شازیہ مری کے خلاف مبینہ جعلی ڈگری پر نااہلی کی درخواست کا فیصلہ 13 سال بعد سنا دیا۔عدالت نے درخواست ناقابلِ سماعت قرار دے کر مسترد کر دی اور کہا کہ آئین کے تحت رکنِ پارلیمنٹ کو نااہل قرار دینے کا اختیار ہائی کورٹ کو حاصل نہیں۔عدالت نے کہا کہ اسی نوعیت کا اعتراض 2018 کے انتخابات میں الیکشن ٹربیونل کے سامنے بھی اٹھایا گیا تھا، الیکشن کمیشن نے 2022 میں ڈگری سے متعلق اعتراض مسترد کیا تھا، ٹریبونل کے فیصلے پر سپریم کورٹ میں دائر اپیل 2023 میں واپس لینے پر خارج کی گئی