لاہور – انسداد دہشت گردی عدالت (ATC) میں پانچ اکتوبر کے جلاؤ گھیراؤ اور تشدد کے مقدمات کی سماعت ہوئی، جس میں پاکستان تحریک انصاف کے بانی کی بہنیں علیمہ خان اور عظمیٰ خان سمیت دیگر رہنماؤں کی عبوری ضمانتوں میں توسیع کر دی گئی۔
عبوری ضمانتوں میں توسیع
علیمہ خان اور عظمیٰ خان کی عبوری ضمانت میں عدالت نے 17 مئی تک توسیع کر دی۔دونوں خواتین عدالت میں پیش نہ ہو سکیں، جس پر ان کے وکلا نے ایک روزہ حاضری معافی کی درخواست دائر کی، جو منظور کر لی گئی۔اے ٹی سی جج ارشد جاوید کی رخصت کے باعث سماعت بغیر کارروائی ملتوی کر دی گئی۔
دیگر رہنماؤں کی ضمانتیں
جلاؤ گھیراؤ اور تشدد کے تین مقدمات میں پی ٹی آئی کے رہنماؤں سلمان اکرم راجہ، ضمیر جھنڈو، علی امتیاز وڑائچ، ندیم عباس بارا، شیخ امتیاز و دیگر کی عبوری ضمانتوں میں بھی 17 مئی تک توسیع کر دی گئی۔سلمان اکرم راجہ اور دیگر نے عدالت میں پیش ہو کر حاضری مکمل کرائی۔
پولیس رپورٹ اور الزامات
تھانہ اسلام پورہ کے مقدمے میں پولیس نے رپورٹ جمع کرا دی ہے، جس میں سلمان اکرم راجہ سمیت 7 افراد کو قصوروار قرار دیا گیا ہے۔عدالت نے آئندہ سماعت پر دلائل طلب کرتے ہوئے کارروائی مؤخر کر دی۔
