یو ایس اوپن ویمنز سنگلز کے فائنل میں عالمی نمبر ایک ایلینا ریباکینا اور دفاعی چیمپئن آرینا سبالینکا کے درمیان ٹائٹل کے لیے سنسنی خیز مقابلہ ہوگا۔
سیمی فائنل میں قازقستان کی ایلینا ریباکینا نے سخت مقابلے کے بعد امریکا کی اسٹار کھلاڑی کوکو گاف کو 6-3، 4-6، 4-6 سے شکست دے کر پہلی مرتبہ یو ایس اوپن کے فائنل میں جگہ بنالی۔کوکو گاف نے پہلے سیٹ میں شاندار کھیل کا مظاہرہ کرتے ہوئے برتری حاصل کی، تاہم ریباکینا نے دوسرے سیٹ میں امریکی کھلاڑی کی غلطیوں سے فائدہ اٹھاتے ہوئے مقابلہ برابر کردیا۔فیصلہ کن سیٹ میں ریباکینا نے طاقتور شاٹس کے ذریعے گاف پر دباؤ برقرار رکھا اور کامیابی حاصل کرکے فائنل میں رسائی حاصل کرلی۔ اس فتح کے ساتھ وہ نئی عالمی نمبر ایک بننے کی پوزیشن بھی حاصل کرچکی ہیں۔
دوسرے سیمی فائنل میں دفاعی چیمپئن آرینا سبالینکا نے امریکا کی جیسیکا پیگولا کو 5-7 اور 2-6 سے شکست دے کر فائنل میں جگہ بنائی۔سبالینکا مسلسل چوتھے سال یو ایس اوپن کے فائنل میں پہنچنے والی کھلاڑی بن گئی ہیں اور اب وہ نیویارک میں مسلسل تیسرا ٹائٹل اپنے نام کرنے کی کوشش کریں گی۔واضح رہے کہ ریباکینا رواں سال آسٹریلین اوپن کے فائنل میں سبالینکا کو شکست دے چکی ہیں، جس کے باعث یو ایس اوپن کا فائنل شائقینِ ٹینس کے لیے ایک اور دلچسپ اور سنسنی خیز مقابلہ ثابت ہونے کی توقع ہے۔
