راولپنڈی کی اڈیالہ جیل میں توشہ خانہ ٹو کیس کی سماعت اسپیشل جج سینٹرل شاہ رخ ارجمند نے کی، تاہم سماعت بغیر کسی کارروائی کے ملتوی کر دی گئی۔
عدالت کی جانب سے پاکستان تحریکِ انصاف (پی ٹی آئی) کے بانی عمران خان اور ان کی اہلیہ بشریٰ بی بی کے وکلا کو باقاعدہ آگاہ کیا گیا کہ سماعت اب یکم جولائی 2025 کو دوبارہ ہوگی۔سماعت ملتوی ہونے کی تصدیق بانی پی ٹی آئی کے وکیل خالد یوسف چوہدری نے بھی کی۔یاد رہے کہ یہ مقدمہ توشہ خانہ ٹو کیس کے نام سے جانا جاتا ہے، جس میں سابق وزیر اعظم عمران خان اور ان کی اہلیہ پر الزام ہے کہ انہوں نے حکومتی تحائف کو قانون و ضوابط کی خلاف ورزی کرتے ہوئے فروخت کیا اور ذاتی فائدہ حاصل کیا۔یہ کیس اسپیشل جج سینٹرل کی عدالت میں زیر سماعت ہے اور ملزمان کے خلاف نیب سمیت دیگر حکومتی اداروں کی جانب سے شواہد پیش کیے جا رہے ہیں۔آئندہ سماعت پر فردِ جرم عائد کیے جانے یا مزید شواہد پیش کیے جانے کا امکان ہے۔
