اوگرا (آئل اینڈ گیس ریگولیٹری اتھارٹی) نے ایل پی جی (مائع پٹرولیم گیس) کے غیر قانونی استعمال کے خلاف سخت کارروائی کرتے ہوئے مختلف علاقوں میں کریک ڈاؤن کیا ہے۔
اس کارروائی میں سندھ اور پنجاب کے مختلف مقامات پر چھاپے مارے گئے ہیں، جہاں ایل پی جی کے غیر قانونی اسٹیشنز اور فیکٹریاں سیل کی گئی ہیں۔اوگرا نے خیرپور، گھوٹکی، پنو عاقل اور رانی پور میں غیر قانونی ایل پی جی اسٹیشنز سیل کردیے ہیں۔ اس کے علاوہ، گوجرانوالہ میں غیر معیاری ایل پی جی سلنڈر بنانے والی فیکٹریوں کو بند کر دیا گیا ہے۔ اوگرا نے گیس چوری اور غیر قانونی ڈی کینٹنگ (گیس کا غیر قانونی طور پر پیکنگ) میں ملوث افراد کے خلاف ایف آئی آر درج کی ہے۔
اوگرا کی ٹیموں نے ایل پی جی میں کاربن ڈائی آکسائیڈ کی ملاوٹ کی تحقیقات کی ہیں، جو کہ سنگین ماحولیاتی اور جانی خطرہ بن سکتی ہے۔ اس حوالے سے چیف سیکرٹریز اور کسٹمز حکام کو غیر قانونی فروخت کو روکنے کے لیے مراسلے بھی ارسال کیے گئے ہیں۔یہ کریک ڈاؤن اوگرا کی جانب سے ایل پی جی کی غیر قانونی سرگرمیوں کے سدباب اور صارفین کی حفاظت کے لیے اہم قدم ہے۔
