رحیم یار خان میں محکمہ خوراک نے گندم کی غیر قانونی نقل و حرکت اور مبینہ ذخیرہ اندوزی کے خلاف بڑا کریک ڈاؤن کرتے ہوئے 17 گاڑیاں قبضے میں لے لیں، جن سے مجموعی طور پر 381 میٹرک ٹن گندم برآمد کی گئی ہے۔
تمام برآمد شدہ گندم کو سرکاری تحویل میں لے کر گوداموں میں منتقل کر دیا گیا ہے۔
کارروائی کیسے کی گئی؟
محکمہ خوراک کی جانب سے یہ کارروائیاں ڈسٹرکٹ فوڈ کنٹرولر سید نیاز علی شاہ کی ہدایت پر ضلع کے مختلف داخلی و خارجی راستوں اور مشکوک مقامات پر کی گئیں۔ خفیہ اطلاع اور نگرانی کے بعد ٹیموں نے ایک ساتھ متعدد مقامات پر چھاپے مارے اور گندم کی غیر قانونی ترسیل میں استعمال ہونے والی گاڑیوں کو روک لیا۔
بڑی مقدار میں گندم برآمد
کارروائی کے دوران 17 گاڑیوں سے 381 میٹرک ٹن گندم برآمد ہوئی، جس کے بارے میں ابتدائی طور پر شبہ ظاہر کیا جا رہا ہے کہ یہ بغیر اجازت یا قواعد کی خلاف ورزی کرتے ہوئے ایک مقام سے دوسرے مقام منتقل کی جا رہی تھی۔تمام ضبط شدہ گندم کو محفوظ طریقے سے سرکاری گوداموں میں منتقل کر دیا گیا ہے جبکہ اس کی مزید جانچ اور دستاویزی تصدیق جاری ہے۔
محکمہ خوراک کا مؤقف
ڈسٹرکٹ فوڈ کنٹرولر سید نیاز علی شاہ نے کہا کہ حکومت پنجاب اور ڈائریکٹر جنرل فوڈ کے واضح احکامات کے تحت غیر قانونی گندم کی نقل و حرکت کے خلاف زیرو ٹالرنس پالیسی پر عمل کیا جا رہا ہے۔
