شاہ رخ خان کے حالیہ انکشافات نے ان کے مداحوں کے دل جیت لیے ہیں، جہاں انہوں نے اپنے چھوٹے بیٹے ابرام کی یادداشت اور فلم "دی لائن کنگ" کے حوالے سے تفصیلات بتائیں۔
شاہ رخ خان نے بتایا کہ انہوں نے اپنے دونوں بیٹوں، آریان اور ابرام، کے ساتھ "دی لائن کنگ" کے ہندی ورژن میں کام کیا ہے۔ انہوں نے کہا کہ اس فلم کے ذریعے انہیں اپنے بیٹوں کے ساتھ ایک خاص تعلق قائم کرنے کا موقع ملا۔شاہ رخ خان کے مطابق، ابرام کی یادداشت حیرت انگیز ہے، اور اس نے فلم کے ہندی ڈائیلاگز اپنی بہن سہانا کے ساتھ یاد کیے۔ ابرام نے فلم میں مفاسہ کے بچپن کی آواز دی ہے، جبکہ آریان نے سمبا کو آواز دی اور شاہ رخ نے مفاسہ کے کردار کو اپنی آواز میں پیش کیا۔یہ فلم ہالی ووڈ کی مشہور فلم "دی لائن کنگ" کا حصہ ہے اور 20 دسمبر کو پاکستانی سینماؤں میں ریلیز کی جائے گی۔ فلم کے ریلیز حقوق ایچ کے سی ڈسٹریبیوشن کمپنی کے پاس ہیں اور یہ پاکستان کی امپورٹ پالیسی کے تحت ریلیز کی جا رہی ہے۔ فلم کے مداحوں کو بے صبری سے اس کے سینما میں آنے کا انتظار ہے۔
