پاکستان شوبز انڈسٹری کی معروف اداکارہ کبریٰ خان اور اداکار گوہر رشید جلد شادی کے بندھن میں بندھنے جا رہے ہیں۔
پاکستانی میڈیا آؤٹ لیٹ 'دی کرنٹ' کے مطابق، کبریٰ خان اور گوہر رشید کی شادی کی افواہیں اب حقیقت بن چکی ہیں۔ رپورٹ کے مطابق، یہ جوڑی آئندہ ماہ 22 فروری کو شادی کرے گی۔شادی کی تقریبات کراچی میں منعقد ہوں گی، جو پاکستان کا سب سے بڑا شہر اور معاشی حب بھی ہے۔اس جوڑی کے بارے میں کئی دنوں سے افواہیں گردش کر رہی تھیں، تاہم حالیہ رپورٹ نے ان افواہوں کی تصدیق کر دی ہے۔ دوسری جانب کبریٰ خان اور گوہر رشید سوشل میڈیا پر متحرک ہونے کے باوجود ان خبروں کی تصدیق یا تردید نہیں کر رہے ہیں۔مداح دونوں اداکاروں کی جانب سے باضابطہ اعلان کے منتظر ہیں، جبکہ ان کی شادی کی خبریں پہلے ہی شوبز انڈسٹری میں کافی توجہ حاصل کر چکی ہیں۔
