ویب ڈیسک: درا بند، ڈیرہ اسماعیل خان کے علاقے میں سیکورٹی فورسز نے ایک انٹیلی جنس بیسڈ کارروائی انجام دی جس کے دوران فورسز نے فائرنگ کے شدید تبادلے میں سات خوارج کو ہلاک کیا جو مبینہ طور پر بھارتی سرپرستی یافتہ تھے۔
آئی ایس پی آر کے مطابق کارروائی میں مارے گئے افراد فتنہ الخوارج نامی تنظیم سے منسلک تھے اور وہ سیکیورٹی فورسز، قانون نافذ کرنے والے اداروں اور عام شہریوں پر حملوں میں ملوث بتائے گئے ہیں۔ کارروائی کے دوران مارے گئے خوارج کے قبضے سے اسلحہ اور گولہ بارود بھی برآمد کیا گیا۔افواج نے بتایا کہ کارروائی کے دوران میجر سبطین حیدر بہادری سے لڑتے ہوئے شہید ہوگئے جن کی عمر 30 سال اور تعلق ضلع کوئٹہ سے تھا۔ آئی ایس پی آر نے شہید میجر سبطین حیدر کی قربانی کو خراجِ عقیدت پیش کیا اور کہا کہ ان کی قربانی بھارتی سرپرستی یافتہ دہشت گردی کے خاتمے کے عزم کو مزید مضبوط کرے گی۔اضافی طور پر علاقہ میں کلیئرنس اور سینیٹائزیشن آپریشن جاری ہے اور فورسز نے کہا ہے کہ بھارتی سرپرستی یافتہ دہشت گردی کے مکمل خاتمے تک یہ آپریشن جاری رکھے جائیں گے۔
