ویٹیکن سٹی: نئے منتخب پوپ لیو فورٹینتھ (چہار دہم) نے اپنے پہلے خطاب میں کیتھولک چرچ کے لیے ایک دیانتدار منتظم بننے کی امید ظاہر کی ہے۔
انہوں نے کہا کہ ان کا انتخاب چرچ کو دنیا کی تاریک راتوں میں روشنی دینے میں مدد دے گا، اور ان کا مقصد اس تنظیم کو ایک نیا اور روشن راستہ دکھانا ہے۔پوپ لیو فورٹینتھ نے اپنی تقریر میں اس بات پر زور دیا کہ چرچ کو اپنی شناخت اپنے ارکان کے تقدس سے کرنی چاہیے، نہ کہ اس کی عمارتوں کی عظمت سے۔ ان کے مطابق، یہ ضروری ہے کہ چرچ کی توجہ اپنی کمیونٹی کے روحانی اور اخلاقی معیار پر ہو، نہ کہ اس کی بیرونی شان و شوکت پر۔نئے پوپ نے کہا کہ انہیں امید ہے کہ ان کا انتخاب کیتھولک دنیا کے مختلف حصوں میں ایمان کی کمی کو دور کرنے میں مدد دے گا۔ ان کے مطابق، اس وقت دنیا کے مختلف حصوں میں ایمان کی کمی اور مادی دنیا کی بڑھتی ہوئی اہمیت نے روحانیت کو ایک چیلنج کے طور پر پیش کیا ہے۔انہوں نے اس بات پر بھی زور دیا کہ چرچ کو ایسے علاقوں تک پہنچنا چاہیے جہاں لوگ ٹیکنالوجی، پیسہ، کامیابی یا طاقت کو اہمیت دیتے ہیں، اور وہاں کی روحانیت کی اہمیت اور اس کی حقیقت کو اجاگر کرنا چاہیے۔
یہ خطاب اس وقت ہوا جب پوپ لیو فورٹینتھ نے ویٹیکن میں اپنے عہدے کا آغاز کیا۔ ان کے انتخاب کے بعد کم از کم چار مرتبہ کی ووٹنگ کے ذریعے انہیں پاپائے اعظم کے عہدے پر منتخب کیا گیا تھا۔پوپ لیو فورٹینتھ کے انتخاب کی خبروں کے بعد عالمی سطح پر کیتھولک کمیونٹی کے افراد نے ان کے قیادت میں چرچ کے نئے دور کا خیرمقدم کیا ہے۔
