مشرقِ وسطیٰ میں جاری جنگ اور آبنائے ہرمز کے حوالے سے بڑھتی ہوئی غیر یقینی صورتحال کے باعث عالمی منڈی میں خام تیل کی قیمت 100 ڈالر فی بیرل سے تجاوز کر گئی۔
رپورٹ کے مطابق برینٹ خام تیل کی قیمت تقریباً 17 فیصد اضافے کے بعد 108 ڈالر فی بیرل تک پہنچ گئی، جبکہ امریکی خام تیل (ویسٹ ٹیکساس انٹرمیڈیٹ) کی قیمت بھی تقریباً 19 فیصد اضافے کے بعد 108 ڈالر فی بیرل تک جا پہنچی۔
پس منظر:
آبنائے ہرمز دنیا کے اہم ترین تیل کے راستوں میں سے ایک ہے اور عالمی تیل کی بڑی مقدار اسی راستے سے گزرتی ہے، اس لیے یہاں کسی بھی قسم کی کشیدگی عالمی تیل کی قیمتوں کو تیزی سے متاثر کرتی ہے۔
