امریکی ریاست ٹیکساس 4 جولائی کو آنے والے تاریخی سیلاب کے بعد شدید بحران کا شکار ہے۔
گورنر گریگ ایبٹ نے ہنگامی پریس کانفرنس میں اعلان کیا ہے کہ جب تک آخری لاپتہ فرد نہیں ملتا، ریسکیو آپریشن جاری رہے گا۔
گورنر کے مطابق:
109 افراد ہلاک ہو چکے ہیں
جن میں 94 ہلاکتیں کیر کاؤنٹی میں ہوئیں
173 افراد تاحال لاپتہ ہیں
جن میں 161 صرف کیر کاؤنٹی سے ہیں
کیمپ مسٹک کی 5 بچیاں اور ایک کونسلر بھی لاپتہ ہیں
ایبٹ نے کہا:"یہ ہماری سب سے بڑی اخلاقی ذمہ داری ہے کہ ہر لاپتہ فرد کو تلاش کیا جائے۔"
گواڈیلوپ دریا میں طغیانی
سیلاب کی شدت کا اندازہ اس بات سے لگایا جا سکتا ہے کہ گواڈیلوپ دریا کی سطح صرف 45 منٹ میں 26 فٹ بلند ہو گئی—جو تقریباً دو منزلہ عمارت کے برابر ہے۔
وفاقی سطح پر ہنگامی اعلان
صدر ڈونلڈ ٹرمپ نے وفاقی ایمرجنسی کا اعلان کرتے ہوئے FEMA کو فوری امدادی سرگرمیوں کی ہدایت دی ہے۔ ریاستی، وفاقی اور مقامی ادارے رضاکاروں کے ساتھ مل کر ریسکیو اور تلاش کا کام جاری رکھے ہوئے ہیں۔
آئندہ کا لائحہ عمل
گورنر ایبٹ نے اعلان کیا کہ:21 جولائی سے خصوصی سیشن شروع ہو گا.متاثرین کی بحالی اور مستقبل میں ایسے سانحات سے نمٹنے کے لیے حکمت عملی زیر غور آئے گی
عوام سے اپیل
گورنر نے شہریوں سے اپیل کی ہے کہ اگر کوئی کیر کاؤنٹی میں لاپتہ ہے تو فوری طور پر اس نمبر پر اطلاع دیں: 830-258-1111
یہ سانحہ ریاست ٹیکساس کی تاریخ کے بدترین قدرتی حادثات میں سے ایک قرار دیا جا رہا ہے۔
