250کلو مضر صحت گوشت تلف

لاہور (خصوصی رپورٹ) پنجاب فوڈ اتھارٹی کی ٹیموں نے گلشن اقبال میں بڑی کارروائی کرتے ہوئے 250 کلو مضر صحت گوشت تلف کر دیا۔ بیمار جانور کا گوشت گلشن اقبال میں آٹو رکشہ کے ذریعے سپلائی کیا جا رہا تھا، آٹو رکشہ میں گوشت لے جانے والے 3 افراد کو گرفتار کرا دیا گیا۔فوڈ اتھارٹی کی ٹیموں نے کارروائی کرتے ہوئے گوشت قبضے میں لے کر پیمکو بھٹی میں جلا کر تلف کر دیا۔ڈی جی فوڈ اتھارٹی کا کہنا ہے کہ تفصیلی معائنے سے ثابت ہوا کہ گوشت انسانی صحت کے لئے انتہائی نقصان دہ تھا، جبکہ رکشہ سوار افراد کے پاس ہیلتھ فٹنس سرٹیفکیٹ بھی موجود نہیں تھا۔