کلونٹارف کرکٹ کلب گراؤنڈ میں کھیلے گئے تین میچز کی ٹی ٹوئنٹی سیریز کے دوسرے میچ میں آئرلینڈ نے پاکستان کو 4 وکٹ سے شکست دے کر 0-2 کی فیصلہ کن برتری حاصل کرلی۔
یہ کامیابی میزبان ٹیم نے آخری گیند پر جین میگوائر کے چھکے کی بدولت حاصل کی، جس کے بعد آئرلینڈ کی ٹی ٹوئنٹی کرکٹ میں مسلسل فتوحات کا سلسلہ 9 میچز تک پہنچ گیا۔اس سے قبل سیریز کے پہلے میچ میں آئرلینڈ نے 11 رنز سے کامیابی حاصل کی تھی، جبکہ تیسرا اور آخری میچ اتوار کو اسی مقام پر کھیلا جائے گا۔
پاکستان کی بیٹنگ
پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 6 وکٹوں کے نقصان پر 168 رنز بنائے۔ مریبہ علی نے 33، ناتالیہ پرویز نے 31 اور شوال ذلفقار نے 27 رنز اسکور کیے۔ آئرلینڈ کی جانب سے لارا مکبرائیڈ اور کارا مَرے نے دو، دو کھلاڑیوں کو آؤٹ کیا۔
آئرلینڈ کا تعاقب
ہدف کے تعاقب میں آئرلینڈ کا آغاز خراب رہا اور ایملی ہنٹر صرف 6 رنز پر رن آؤٹ ہوگئیں، جبکہ کپتان گیبی لیوس اور لیا پال بھی جلد پویلین لوٹ گئیں۔ اس مشکل صورتحال میں اورلا پرینڈرگاسٹ نے شاندار 51 رنز کی اننگز کھیل کر ٹیم کو سنبھالا۔ لارا ڈیلینی کے 42 اور ربیکا اسٹوکل کے 34 رنز نے ٹیم کو جیت کے قریب پہنچایا۔جب آخری گیند پر آئرلینڈ کو 3 رنز درکار تھے، تو جین میگوائر نے چھکا لگا کر ٹیم کو یادگار فتح دلا دی۔
Ask ChatGPT
