ویب ڈیسک:وزیر اطلاعات و نشریات پنجاب عظمیٰ بخاری آج جمعتہ المبارک کو عمرہ کی ادائیگی کے لیے سعودی عرب روانہ ہوں گی۔ ذرائع کے مطابق عظمیٰ بخاری سات روز کے لیے سعودی عرب جا رہی ہیں۔ وہ آج شام چھ بجے لاہور ایئرپورٹ سے سعودی عرب کے لیے روانہ ہوں گی۔
عظمیٰ بخاری کے اس دورے کے دوران ان کی عمرہ کی عبادت کی ادائیگی کے علاوہ دیگر ملاقاتوں یا سرکاری امور کی کوئی اطلاع نہیں ہے۔ ان کا یہ سفر ذاتی نوعیت کا ہے، جس میں وہ عبادات کے ساتھ ساتھ سعودی عرب کے روحانی مقامات کی زیارت بھی کریں گی۔واضح رہے کہ وزیر اطلاعات پنجاب کے اس سفر سے متعلق حکومتی سطح پر کوئی اضافی تفصیلات فراہم نہیں کی گئی ہیں، اور ان کے دورے کی مدت بھی سات دن مقرر کی گئی ہے۔
