والٹن ایئرپورٹ کے قریب ایک بار پھر دھماکوں اور فائرنگ کی آوازیں سنائی دی ہیں، جس سے شہریوں میں خوف و ہراس پھیل گیا ہے۔
اطلاعات کے مطابق دھماکے رات کے وقت سنے گئے، اور اس کے بعد وقفے وقفے سے فائرنگ کی آوازیں بھی سنی گئیں۔مقامی افراد نے بتایا کہ دھماکوں کے بعد علاقے میں کشیدگی بڑھ گئی اور مسلسل فائرنگ کی آوازیں سنائی دیں۔ تاہم، دھماکوں کی نوعیت اور مقام کے بارے میں ابھی تک مکمل معلومات سامنے نہیں آ سکیں۔
واقعے کے بعد قانون نافذ کرنے والے ادارے فوری طور پر متحرک ہو گئے ہیں اور پولیس نے علاقے کو گھیر لیا ہے۔ سیکیورٹی فورسز نے علاقے میں ہائی الرٹ کر دیا ہے، اور پولیس اور دیگر ادارے جائے وقوعہ کی جانب روانہ ہو چکے ہیں۔ اس دوران عوام سے درخواست کی جا رہی ہے کہ وہ احتیاط کریں اور علاقے سے دور رہیں تاکہ کسی بھی ناخوشگوار واقعے سے بچا جا سکے۔
