ڈولفن سکواڈ کا سنڈے سپیشل آپریشن، 43 گرفتار

 ملزموں کے قبضے سے پتنگیں اور ڈور برآمد، گرفتار افراد کو متعلقہ تھانوں کے حوالے
 لاہور (کرائم رپورٹر) ڈولفن سکواڈ نے چھٹی کے روز سنڈے سپیشل گرینڈ آپریشن کیا، جس میں جرائم پیشہ عناصر، ون ویلنگ کرنے والے اور ہوائی فائرنگ کرنے والوں کے خلاف کارروائی کی گئی۔ترجمان ڈولفن سکواڈ کے مطابق شہر کے مختلف علاقوں سے 43 ملزمان گرفتار کیے گئے، جبکہ ڈیفنس، مال روڈ، کینال روڈ، جیل روڈ، بند روڈ اور دیگر علاقوں سے 42 ون ویلرز کو حراست میں لیا گیا۔پتنگ بازی میں ملوث 2 ملزمان کو فیکٹری ایریا اور شیراکوٹ سے گرفتار کیا گیا۔ ملزمان کے قبضے سے پتنگیں اور ڈور برآمد کی گئیں۔ گرفتار شدہ ملزمان کو کارروائی کے بعد فیکٹری ایریا، شیرا، ہربنس پورہ اور دیگر متعلقہ علاقوں کے حوالے کر دیا گیا۔