مطالبات تسلیم نہ کئے تو پٹرول پمپ بند کردینگے:ڈیلرز ایسوسی ایشن

 پٹرول پمپ ڈیلرز کا مارجن حکومت نے بہت کم رکھا ہے‘اضافہ کیا جائے:چیئرمین سمیع خان
اسلام آباد(آئی این پی ) پٹرول پمپ ڈیلرز ایسوسی ایشن نے مارجن نا بڑھانے  پر  ایک بار  پھر پمپس بند کرنے کی دھمکی دے دی  ۔ اسلام آباد میں پریس کانفرنس کرتے ہوئے چیئرمین پٹرول پمپ ڈیلرز ایسوسی ایشن سمیع خان نے کہا کہ پٹرولیم مصنوعات کی بڑھتی قیمتوں سے ہمارے اخراجات پورے نہیں ہورہے۔انہوں نے کہا  پٹرول پمپ ڈیلرز کا مارجن حکومت نے بہت کم رکھا ہے، اگرپٹرول پمپ ڈیلرزکا مارجن نہیں بڑھایاجاتا تو پیٹرول پمپ بند کرنا ہوں گے اور حکومت کی جانب سے  ہمارے مطالبات تسلیم نہ کئے گئے تو پمپ بند کردیں گے۔  رہنما پیٹرول پمپ اونرز ایسوسی ایشن ہمایوں خان نے کہا کہ حکومت نے پٹرول پمپ ڈیلرز کا کاروبار تباہ کر دیا ہے، حکومت نے پٹرول کی قیمتوں میں اضافہ کردیا لیکن ڈیلرز کا مارجن وہی ہے۔