ملک کے مختلف حصوں میں شدید دھند کے باعث ٹرین آپریشن متاثر ہو گیا ہے، جس کے نتیجے میں متعدد ٹرینیں تاخیر کا شکار ہو گئی ہیں۔
دھند کی شدت کی وجہ سے کراچی سے لاہور آنے والی ٹرینوں میں گھنٹوں کی تاخیر ہوئی ہے۔
قراقرم ایکسپریس کراچی سے لاہور 4 گھنٹے تاخیر سے پہنچے گی۔
بزنس ایکسپریس کی روانگی میں ساڑھے 8 گھنٹے کی تاخیر ہو گئی ہے۔
کراچی ایکسپریس اور گرین لائن ٹرینیں تین گھنٹے تاخیر سے پہنچیں گی۔
کوئٹہ سے لاہور آنے والی جعفر ایکسپریس 2 گھنٹے تاخیر سے لاہور ریلوے اسٹیشن پہنچے گی۔
شالیمار ایکسپریس بھی اڑھائی گھنٹے کی تاخیر کا شکار ہے۔
ٹرینوں کی تاخیر کے باعث مسافروں کو مشکلات کا سامنا ہے، اور ریلوے حکام نے صورتحال کی بہتر نگرانی کے لیے اقدامات کرنے کی یقین دہانی کرائی ہے تاکہ دھند کے اثرات کو کم کیا جا سکے اور ٹرین آپریشن کو دوبارہ معمول پر لایا جا سکے۔
