ویب ڈیسک: مصنوعی ذہانت کے میدان میں اہم پیش رفت، اوپن اے آئی نے دو نئے اوپن سورس ماڈلز متعارف کر دیے
عالمی خبر ایجنسی کے مطابق، معروف مصنوعی ذہانت کی کمپنی اوپن اے آئی نے دو نئے اوپن سورس "اوپن" لینگویج ماڈلز لانچ کرنے کا اعلان کیا ہے۔ یہ ماڈلز صارفین کو اپنی مرضی کے مطابق ترتیب دینے اور مقامی سطح پر چلانے کی سہولت فراہم کرتے ہیں۔یہ نئے ماڈلز، جنہیں اوپن ویٹ لینگویج ماڈلز کہا جاتا ہے، صارفین کو اندرونی پیرامیٹرز تک رسائی دیتے ہیں تاکہ وہ انہیں اپنی مخصوص ضروریات کے مطابق ڈھال سکیں۔ اس طرح یہ ماڈلز کمپنی کے معروف بند ماڈل چیٹ جی پی ٹی سے مختلف ہیں، کیونکہ یہ صارفین کو زیادہ کنٹرول اور تخصیص کی اجازت دیتے ہیں۔
یہ اوپن ماڈلز عام طور پر ان کمپنیوں کے استعمال میں آتے ہیں جو AI کو اپنے سرورز پر مخصوص کاموں کے لیے تعینات کرتی ہیں، اور اوپن اے آئی نے یہ واضح نہیں کیا کہ ان کی تربیت کے لیے کون سے ڈیٹا سیٹس استعمال کیے گئے ہیں۔اس پیش رفت سے اوپن اے آئی کے ماڈلز کو مختلف ہارڈویئر پر چلانے کی سہولت ملتی ہے، اور یہ ٹیکسٹ جنریشن، کوڈ لکھنے، تحقیق، اور آن لائن ڈیٹا سے جواب فراہم کرنے کی صلاحیت رکھتے ہیں، جس سے AI کی مقامی اور ذاتی نوعیت کی استعمالات میں اضافہ ہونے کی توقع ہے۔
