منیلا: فلپائن کے جنوبی جزیرے منڈاناؤ کے قریب سمندر میں 5.8 شدت کا زلزلہ ریکارڈ کیا گیا ہے۔
خبر ایجنسی کے مطابق زلزلے کا مرکز سمندر میں تھا جبکہ اس کی گہرائی تقریباً 10 کلومیٹر ریکارڈ کی گئی۔ زلزلے کے جھٹکے قریبی ساحلی علاقوں میں بھی محسوس کیے گئے، جس کے باعث شہریوں میں خوف و ہراس پھیل گیا۔ابتدائی اطلاعات کے مطابق زلزلے کے نتیجے میں کسی جانی یا مالی نقصان کی فوری طور پر اطلاع موصول نہیں ہوئی۔ تاہم حکام صورتحال پر نظر رکھے ہوئے ہیں اور ممکنہ آفٹر شاکس کے پیش نظر نگرانی جاری ہے۔ماہرین کے مطابق سمندری علاقوں میں آنے والے زلزلے بعض اوقات سونامی کے خطرات بھی پیدا کر سکتے ہیں، تاہم اس زلزلے کے بعد فوری طور پر ایسی کوئی وارننگ جاری نہیں کی گئی۔
