یورپی کمیشن کی صدر ارسلا واندرلین نے کرسمس اور نئے سال کی تعطیلات کے بعد یورپین اداروں میں کام کی واپسی کے دوران ایک سنگین صحت کے مسئلے کا سامنا کیا۔
وہ نمونیا میں مبتلا ہو گئی ہیں، جس کے باعث انہیں اپنے تمام طے شدہ دوروں اور مصروفیات کو منسوخ کرنے کا فیصلہ کرنا پڑا۔ ارسلا نے پرتگال اور پولینڈ میں اپنے پروگرامز منسوخ کر دیے ہیں اور دو ہفتوں تک کسی بھی عوامی ملاقات یا دورے سے گریز کرنے کا اعلان کیا ہے۔ارسلہ واندرلین اس وقت جرمنی کے شہر ہینوور میں قیام پذیر ہیں جہاں وہ اپنے علاج کے دوران اپنی ٹیموں کے ساتھ مسلسل رابطے میں ہیں۔ یہ فیصلہ یورپی کمیشن کے لیے اہمیت رکھتا ہے کیونکہ ارسلا واندرلین کی قیادت میں مختلف منصوبے اور پالیسی اقدامات زیر غور ہیں، اور ان کی غیر موجودگی میں ٹیم کے لیے فیصلہ سازی کے عمل میں مشکلات پیش آ سکتی ہیں۔
ارسلہ کی بیماری کی خبر یورپین اداروں میں تشویش کا باعث بنی ہے کیونکہ اس وقت یورپی کمیشن مختلف بین الاقوامی معاملات اور داخلی پالیسیوں پر کام کر رہا ہے۔ تاہم، ارسلا نے اس دوران اپنے کام کو جاری رکھنے کے عزم کا اظہار کیا ہے اور صحت کی بحالی کے بعد اپنی مکمل مصروفیات دوبارہ شروع کرنے کا ارادہ رکھتی ہیں۔
