پاکستان میں تیل اور گیس کے بڑے ذخائر کی دریافتیں جاری ہیں۔
اٹک کے ڈھوک سلطان میں 3 کنویں سے روزانہ 1400 بیرل خام تیل، 2.5 ملین مکعب فٹ قدرتی گیس، اور 15 ٹن ایل پی جی حاصل ہونے کا امکان ہے۔ یہ ذخائر پاکستان پیٹرولیم لمیٹڈ (پی پی ایل) کے زیرِ انتظام ہیں، جس کا 75 فیصد حصہ دار ہے۔ اس سے ملکی زرمبادلہ میں بچت متوقع ہے۔اسی طرح، سندھ میں ماڑی انرجیز لمیٹڈ نے بھی نئے تیل و گیس کے ذخائر دریافت کیے ہیں۔ کنویں سے روزانہ 305 بیرل تیل اور 3 ایم ایم ایس سی ایف ڈی گیس حاصل ہو رہی ہے۔ کوٹری بلاک میں بھی گیس کے نئے ذخائر دریافت ہوئے ہیں، جہاں سے یومیہ 1.5 ملین مکعب فٹ گیس نکلنے کا اندازہ ہے۔ یہ دریافتیں ملکی توانائی کے شعبے میں اہم پیش رفت ہیں۔
