ویٹیکن سٹی میں خطاب کرتے ہوئے پوپ لیو نے وینزویلا کی خودمختاری اور آزادی کی بحالی کا مطالبہ کیا اور زور دیا کہ ملک میں انسانی حقوق اور آئینی قوانین کا احترام کیا جانا چاہیے۔
پوپ نے کہا کہ وینزویلا میں تشدد فوری طور پر ختم ہونا چاہیے اور انصاف و امن کے راستے پر اقدامات کیے جائیں۔پوپ لیو نے وینزویلا کے عوام کی بھلائی کو ہر معاملے میں فوقیت دینے پر زور دیا اور کہا کہ خودمختاری برقرار رکھنا ہر کسی کی اولین ترجیح ہونی چاہیے۔ انہوں نے زائرین سے مخاطب ہوتے ہوئے کہا:"ہمیں تشدد کے خاتمے میں تاخیر نہیں کرنی چاہیے اور انصاف و امن کے راستوں پر گامزن ہونا چاہیے، جبکہ ملک کی خودمختاری کو یقینی بنایا جائے۔"واضح رہے کہ امریکی صدر ڈونلڈ ٹرمپ نے وینزویلا کے تیل کے ذخائر پر کنٹرول کے لیے صدر نکولس مادورو کی گرفتاری کے لیے فوجی آپریشن کی ہدایت دی تھی۔ مادورو اس وقت نیو یارک کی جیل میں ہیں، جہاں وہ منشیات کے الزامات کی سماعت کا انتظار کر رہے ہیں۔
پوپ لیو نے پہلے بھی امریکی پالیسیوں پر تنقید کی تھی اور دسمبر میں کہا تھا کہ مادورو کو فوجی طاقت کے ذریعے برطرف نہیں کیا جانا چاہیے۔ پوپ کے مطابق، وینزویلا کے عوام کی بھلائی اور ملک کی خودمختاری سب سے اہم ہیں، اور کسی بھی کارروائی میں اس اصول کی خلاف ورزی نہیں ہونی چاہیے۔
