اسلام آباد: پاکستان کے دفتر خارجہ نے سعودی عرب میں پاک افغان مذاکرات کے حوالے سے میڈیا رپورٹس پر لاعلمی کا اظہار کیا ہے۔
دفتر خارجہ کا موقف
ترجمان دفتر خارجہ طاہر اندرابی کے مطابق، پاکستان نے سعودی عرب میں ہونے والے مذاکرات سے متعلق کوئی معلومات نہیں۔پاکستان نے ترکیہ کی ثالثی پیشکش کا خیرمقدم کیا ہے اور مذاکرات کے لیے تیار ہے۔ ترکیہ کے وفد کا دورہ ملتوی ہونے کی وجہ پاکستان کا تعاون نہ کرنا نہیں ہے۔
سرحدی صورتحال
طاہر اندرابی نے بتایا کہ افغانستان کے ساتھ سرحدیں موجودہ صورتحال کی وجہ سے بند ہیں اور افغانستان نے اپنی جانب سرحدیں بند کر دی ہیں۔فی الحال سرحدیں صرف امدادی کارروائیوں کے لیے کھولی گئی ہیں۔
پاکستان-کرغز تعلقات
کرغزستان کے صدر نے پاکستان کا دورہ کیا، جہاں دونوں ممالک کے رہنماؤں نے وفد کی سطح پر ملاقاتیں کیں اور دوطرفہ تعلقات کو مستحکم کرنے پر اتفاق کیا۔دونوں ممالک نے تجارتی حجم سال 2027-28 تک 200 ملین امریکی ڈالر تک بڑھانے کا ہدف مقرر کیا۔دورے کے دوران 15 ایم او یوز پر دستخط ہوئے اور بزنس فورم میں 20 کرغز اور 80 پاکستانی کمپنیاں شریک ہوئیں۔
دیگر سفارتی سرگرمیاں
اسحاق ڈار نے کرغز وزیر خارجہ اور صدر سے ملاقاتیں کیں۔مصر کے وزیر خارجہ نے بھی پاکستان کا دورہ کیا اور اسحاق ڈار نے اسلام آباد کانکلیو کا افتتاح کیا۔
