خیبر پختونخوا کے ضلع لکی مروت میں پولیس نے رات گئے اہم کارروائی کرتے ہوئے دو انتہائی مطلوب دہشتگردوں کو گرفتار کر لیا ہے، جو متعدد سنگین مقدمات میں پولیس کو مطلوب تھے۔
گرفتار دہشتگردوں کی شناخت:
بلال ولد نامعلوم، سکنہ ناورخیل
آصف نواز ولد نامعلوم، سکنہ کٹہرے خیل
کارروائی کی تفصیلات:
یہ کارروائی ایس ایچ او تھانہ شہباز خیل شکیل خان کی سربراہی میں گاؤں جھنگ خیل میں خفیہ اطلاع پر کی گئی۔دونوں دہشتگرد علاقے میں دہشت پھیلانے اور پولیس اہلکاروں پر حملوں جیسے مقدمات میں طویل عرصے سے مطلوب تھے۔گرفتار ملزمان کو مزید تفتیش کے لیے نامعلوم مقام پر منتقل کر دیا گیا ہے۔
پس منظر:
یہ کارروائی آئی جی خیبرپختونخوا ذوالفقار حمید کی جانب سے فتنۃ الخوارج کے خلاف جاری فیصلہ کن آپریشنز کے تحت کی گئی۔ریجنل پولیس آفیسر سجاد خان کی قیادت میں بنوں ریجن کی پولیس پوری طرح متحرک ہے۔
پولیس افسران کا ردعمل:
آر پی او بنوں سجاد خان نے کامیاب کارروائی پر ایس ایچ او اور ٹیم کو شاباش دی۔ان کا کہنا تھا کہ:"لکی مروت پولیس دہشتگردی کے خاتمے کے لیے پرعزم ہے، امن و امان کی مکمل بحالی تک یہ جدوجہد جاری رہے گی۔"
