ویب ڈیسک: شمالی وزیرستان کے علاقے حسن خیل میں سیکیورٹی فورسز نے افغانستان سے ہونے والی دراندازی کی کوشش کو ناکام بناتے ہوئے بھرپور کارروائی میں 30 بھارتی اسپانسرڈ دہشتگردوں کو ہلاک کر دیا۔
آئی ایس پی آر کا بیان:
پاک فوج کے شعبہ تعلقات عامہ (آئی ایس پی آر) کے مطابق:دہشتگردوں کا تعلق بھارتی سرپرستی میں کام کرنے والی تنظیم "فتنہ خوارج" سے تھا۔سیکیورٹی فورسز نے بروقت انٹیلیجنس کی بنیاد پر کارروائی کرتے ہوئے تمام 30 دہشتگردوں کو مار گرایا۔آپریشن کے دوران بھاری مقدار میں اسلحہ، گولہ بارود اور دھماکہ خیز مواد بھی برآمد کر لیا گیا۔
قومی عزم اور مؤقف:
آئی ایس پی آر نے واضح کیا کہ:"پاکستانی سیکیورٹی فورسز ملک کی سرحدوں کے دفاع اور بھارتی سرپرستی میں ہونے والی دہشتگردی کے خاتمے کے لیے پوری طرح پرعزم ہیں۔"
افغان عبوری حکومت سے مطالبہ:
پاکستان نے افغان عبوری حکومت سے سخت مؤقف اپناتے ہوئے کہا ہے کہ:وہ اپنی سرزمین کو بھارتی ایجنٹوں کے ہاتھوں استعمال ہونے سے روکے۔کیونکہ یہ صورتحال خطے کے امن کے لیے خطرہ بن چکی ہے۔
