چین نے شام کے مختلف علاقوں میں شدت پسندوں کے قبضے پر گہری تشویش کا اظہار کیا ہے۔
چینی وزارتِ خارجہ کے ترجمان لِن جیان کا کہنا تھا کہ شمال مغربی شام کی صورتِ حال پر چین کو شدید فکر ہے اور وہ شام کی قومی سلامتی اور استحکام کے لیے کی جانے والی کوششوں کی حمایت کرتا ہے۔ انہوں نے یہ بھی کہا کہ چین شام کی مدد کرنے کے لیے تیار ہے تاکہ صورتحال مزید خراب نہ ہو۔اسی دوران، روس نے بھی شام کی حمایت جاری رکھنے کا عہد کیا ہے۔ روسی حکام نے بیان دیا کہ وہ شام کی صورتِ حال کا جائزہ لے رہے ہیں اور شام کے صدر بشار الاسد کی حمایت میں اپنے موقف کو مستحکم رکھنے کے لیے ضروری اقدامات کریں گے۔ کریملن کے ترجمان دمتری پیسکوف نے کہا کہ روس کی حکومت شام میں پیش آنے والی پیش رفت پر گہری نظر رکھے ہوئے ہے اور جو بھی اقدامات ضروری ہوں گے، انہیں اختیار کیا جائے گا تاکہ صورتِ حال کو مستحکم کیا جا سکے۔چین اور روس دونوں ممالک کی جانب سے شام کے استحکام کے لیے حمایت کا اظہار شام کی موجودہ صورتحال میں اہمیت رکھتا ہے، جہاں شدت پسندوں اور مختلف مسلح گروپوں کے قبضے کی وجہ سے حالات پیچیدہ ہو چکے ہیں۔
