پشاور ہائیکورٹ نے بشریٰ بی بی کو 27 مختلف مقدمات میں 23 دسمبر تک راہداری ضمانت دے دی۔
عدالت میں بشریٰ بی بی کی ضمانت کی درخواست پر سماعت کی گئی جس میں ان کے وکیل نے بتایا کہ ان کے خلاف مختلف دنوں میں 27 مقدمات درج کیے گئے ہیں۔ عدالت نے استفسار کیا کہ کیا تمام مقدمات ایک ہی دن میں درج کیے گئے ہیں، جس پر وکیل نے وضاحت دی کہ کچھ مقدمات ایک دن میں اور باقی دوسرے دنوں میں درج ہوئے۔ایڈیشنل اٹارنی جنرل نے اس موقع پر عدالت کو بتایا کہ ضمانت ملنے کی صورت میں بشریٰ بی بی کو متعلقہ عدالتوں میں پیش ہونا ہوگا۔ عدالت نے یہ بھی ریمارکس دیے کہ ضمانت دینے کا مقصد یہ ہے کہ بشریٰ بی بی متعلقہ عدالتوں میں پیش ہو سکیں۔آخرکار، پشاور ہائیکورٹ نے بشریٰ بی بی کو 23 دسمبر تک راہداری ضمانت منظور کرتے ہوئے حکم دیا کہ وہ اس دوران متعلقہ عدالتوں میں پیش ہوں۔
