اسلام آباد میں وزیراعظم شہباز شریف کی زیر صدارت خصوصی سرمایہ کاری سہولت کونسل (ایس آئی ایف سی) کی ایپکس کمیٹی کا اجلاس جاری ہے۔
اس اجلاس میں اہم حکومتی اور فوجی شخصیات کے ساتھ وفاقی وزراء اور صوبوں کے وزرائے اعلیٰ بھی شریک ہیں۔اجلاس میں وفاقی وزراء، چاروں صوبوں کے وزرائے اعلیٰ، وزیر اعلیٰ گلگت بلتستان اور وزیراعظم آزاد کشمیر سمیت دیگر اعلیٰ حکام موجود ہیں۔ اس کے علاوہ، آرمی چیف جنرل سید عاصم منیر بھی اجلاس میں شریک ہیں، جو اس بات کو ظاہر کرتا ہے کہ اس اجلاس کا تعلق صرف معاشی بلکہ قومی سطح کے اہم فیصلوں سے بھی ہے۔ذرائع کے مطابق اجلاس میں غیر ملکی سرمایہ کاروں کو پاکستان میں سرمایہ کاری کے لیے خصوصی سہولتیں فراہم کرنے پر بات چیت ہو رہی ہے۔
حکومت کی جانب سے غیر ملکی سرمایہ کاروں کو راغب کرنے کے لیے خصوصی اقدامات تجویز کیے جا رہے ہیں تاکہ پاکستان کی معیشت میں استحکام لایا جا سکے۔یہ اجلاس اس بات کا بھی غماز ہے کہ پاکستان کی حکومت سرمایہ کاری کو فروغ دینے کے لیے سنجیدہ اقدامات کر رہی ہے اور غیر ملکی سرمایہ کاروں کے لیے ایک سازگار ماحول پیدا کرنے پر توجہ مرکوز کی گئی ہے۔ اجلاس میں تجویز کردہ اقدامات کی تفصیلات جلد سامنے آنے کا امکان ہے۔
