متحدہ عرب امارات کے صدر شیخ محمد بن زایدالنہیان کی ہدایات پر 1,435 اماراتی شہریوں کے قرضے معاف کیے گئے ہیں، جن کی مجموعی رقم 475.154 ملین درہم (تقریباً 36 ارب روپے) سے زائد ہے۔
حکومت کا یہ اقدام شہریوں کے مالی بوجھ کو کم کرنے، فلاح و بہبود کے فروغ، خاندانی استحکام اور سماجی ترقی میں معاونت کے مقصد سے کیا گیا ہے۔معافی کی یہ سہولیات خاص طور پر انسان دوست اور طبی کیسز، کم آمدنی والے قرض لینے والے، مرحومین، کم آمدنی والے ریٹائرڈ افراد اور بزرگ شہریوں کے لیے فراہم کی گئی ہیں۔قرضوں کی معافی کا عمل سخت قانونی اور ضابطہ کار کے تحت جاری ہے، جس میں ہر قرض کی نوعیت اور مقصد کو مدنظر رکھا جاتا ہے، اور بنیادی ضروریات کو ترجیح دی جاتی ہے۔اس مہم میں شامل 19 بینکوں اور مالی اداروں میں ابو ظہبی کمرشل بینک گروپ، ایمریٹس این بی ڈی، فرسٹ ابو ظہبی بینک، ابو ظہبی اسلامک بینک، مشرق بینک، راک بینک، شارجہ اسلامک بینک، دبئی اسلامک بینک، ای اینڈ، یونائیٹڈ عرب بینک، عرب بینک برائے سرمایہ کاری و غیر ملکی تجارت (المصرف)، کمرشل بینک آف دبئی، ایچ ایس بی سی، عجمان بینک، املک فنانس، ایمریٹس اسلامک بینک، اسٹینڈرڈ چارٹرڈ بینک، نیشنل بینک آف ام القوین اور سٹی بینک شامل ہیں۔یہ اقدام اماراتی شہریوں کے مالی استحکام اور سماجی بہبود کے لیے ایک اہم قدم ہے، جس سے معیشت میں استحکام اور عوامی اعتماد میں اضافہ متوقع ہے۔
