چیئرمین پشتونخوا ملی عوامی پارٹی (پی کے میپ) محمود خان اچکزئی نے کوئٹہ میں عبدالصمد خان اچکزئی کی برسی کے موقع پر جلسے سے خطاب کرتے ہوئے کہا کہ شہباز شریف کی حکومت ناجائز ہے اور وہ وزارت عظمیٰ کے حقدار نہیں ہیں۔
محمود خان اچکزئی نے بانی پاکستان تحریک انصاف (پی ٹی آئی) کی "حقیقی آزادی" کی بات کو حمایت دیتے ہوئے کہا کہ جب تک ہر ادارہ اپنے دائرہ کار میں کام کرے گا، پاکستان قائم رہے گا۔ انہوں نے کہا کہ جو جماعت عوام سے حقیقی ووٹ لے کر آئی ہے، اسے اپنا حق ملنا چاہیے۔انہوں نے مزید کہا کہ وہ ایسا پاکستان چاہتے ہیں جہاں تمام قوموں کو یکساں حقوق ملیں اور اگر کسی نے احتجاج کیا یا راستے بند کیے تو حکومت کو یہ حق نہیں کہ وہ گولی چلائے۔محمود خان اچکزئی نے اس بات کا بھی اظہار کیا کہ اگر انہیں اسمبلی میں نہیں چھوڑا گیا، تو یہ اسمبلی حکومت کو مبارک ہو۔ ان کا کہنا تھا کہ شہباز شریف کی حکومت غیر قانونی ہے اور وہ اس کے حقدار نہیں ہیں۔
