ویب ڈیسک: وزیراعلیٰ پنجاب مریم نواز کی زیر صدارت اجلاس میں دیہی خواتین کے لیے خصوصی بسیں چلانے کا تاریخی فیصلہ کیا گیا۔
منصوبے کی تفصیلات:
پہلے مرحلے میں دور دراز اضلاع میں 25 بسوں پر مشتمل ماس ٹرانزٹ سسٹم شروع کیا جائے گا۔ہر دیہی تحصیل سے ڈسٹرکٹ ہیڈکوارٹر تک بس سروس فراہم کی جائے گی۔انٹر ویلیج ٹرانسپورٹ اور دیہاتی خواتین کی سفری سہولیات کے لیے جامع پلان طلب کیا گیا۔خواتین مسافروں کے لیے خصوصی سبسڈی فراہم کرنے کی ہدایت۔پنجاب کا پہلا "ویمن ٹرانسپورٹ سیلوشن پلان" تیار کیا جائے گا۔
مریم نواز کا بیان:
وزیراعلیٰ پنجاب مریم نواز نے کہا کہ:
✅ جدید ٹرانسپورٹ سسٹم دیہی خواتین کا بھی حق ہے۔
✅ طالبات اور مریض خواتین کو آمد و رفت میں سہولت ملے گی۔
✅ دیہی خواتین کو پبلک ٹرانسپورٹ میں مشکلات کا سامنا کرنا پڑتا ہے، جو تکلیف دہ ہے۔
✅ اس اقدام سے دیہی خواتین کا اعتماد بڑھے گا اور انہیں محفوظ سفری سہولت ملے گی۔
یہ منصوبہ دیہی خواتین کی فلاح و بہبود اور محفوظ سفری سہولیات کی فراہمی کے حوالے سے پنجاب حکومت کا ایک اہم اقدام ہے۔
