دولہا قمر عباس کے آسٹریلیا پلٹ بھائیوں نے نوٹوں سے بھرے تھیلے لٹا دیے
ایک گھنٹے تک مسلسل ڈالرز اور پاکستانی نوٹ فضا میں بکھیرے جاتے رہے
سیالکوٹ(آئی این پی ) سیالکوٹ میں مراکیوال کے علاقے میں ایک شادی کی تقریب اس وقت سوشل میڈیا پر وائرل ہو گئی جب بارات میں آسٹریلین ڈالرز اور پاکستانی کرنسی کی بارش کر دی گئی۔ رپورٹ کے مطابق کے مطابق ظہور الہی اعوان کے بیٹے قمر عباس کی بارات جب گوندل کے ایک مقامی میرج ہال پہنچی تو دولہا کے آسٹریلیا پلٹ بھائیوں نے نوٹوں سے بھرے تھیلے کھول دیے اور مہمانوں پر دل کھول کر کرنسی نچھاور کرنا شروع کر دی۔عینی شاہدین کے مطابق تقریبا ایک گھنٹے تک مسلسل آسٹریلین ڈالرز اور پاکستانی نوٹ فضا میں بکھیرے جاتے رہے جسے سمیٹنے کے لیے سینکڑوں افراد موقع پر موجود تھے۔
