آسٹریلیا کی کرکٹ ٹیم کو آئی سی سی چیمپئنز ٹرافی سے قبل ایک بڑا دھچکا لگا ہے کیونکہ آل راؤنڈر میچل مارش کمر کی تکلیف کے باعث ٹورنامنٹ سے باہر ہوگئے ہیں۔
کرکٹ آسٹریلیا نے تصدیق کی ہے کہ مارش کی کمر کی تکلیف ری ہیب کے دوران بہتر نہیں ہوئی، جس کے بعد انہیں مزید آرام کرنے اور اپنی صحت پر توجہ دینے کی ہدایت کی گئی ہے۔میچل مارش کی غیر موجودگی نے آسٹریلوی ٹیم کے لئے ایک خلاء پیدا کر دیا ہے، اور ان کے متبادل کھلاڑی کا اعلان جلد ہی کیا جائے گا۔ کرکٹ آسٹریلیا نے بتایا کہ چیمپئنز ٹرافی کے لیے حتمی اسکواڈ کے اعلان کی آخری تاریخ 12 فروری ہے، جس کے بعد نئے کھلاڑی کا اعلان کیا جائے گا۔میچل مارش نے اپنی آل راؤنڈ پرفارمنس سے آسٹریلوی ٹیم کو مختلف مقابلوں میں اہم فتوحات دلائی ہیں، اور ان کی غیر موجودگی آسٹریلوی کرکٹ کے لیے ایک بڑا چیلنج بن سکتی ہے۔ ان کی کمی کے باوجود آسٹریلوی ٹیم مکمل طور پر تیار نظر آ رہی ہے اور ٹورنامنٹ میں اپنی پوزیشن مضبوط رکھنے کے لیے متبادل کی تلاش میں ہے۔
