حماد اظہر پشاور ہائیکورٹ سے رجوع کا فیصلہ

 لاہور (مانیٹرنگ ڈیسک )تحریک انصاف کے رہنما اور سابق وفاقی وزیر حماد اظہر نے ضمانت کے لیے درخواست پشاور ہائیکورٹ میں دائر کرنے کا فیصلہ کیا ہے۔ذرائع نے کہا کہ پی ٹی آئی کے جنرل سیکرٹری وسینئر قانون دان سلمان اکرم راجہ سے حماد اظہر نے مشاورت کی، ایڈووکیٹ ابوذر نیازی سمیت دیگر وکلاء نے حماد اظہر کی درخواست ضمانت کے لئے پٹیشن کی تیاری شروع کر دی۔ذرائع نے کہا کہ پشاور ہائیکورٹ سے تمام مقدمات میں ضمانت حاصل کی جائے گی، ضمانت کے بعد تمام مقدمات کے خلاف متعلقہ عدالت سے رجوع کیا جائے گا۔حماد اظہر کا کہنا تھا کہ مشکلات کے باوجود ہمیں عدلیہ سے انصاف کی امید ہے۔