وزیر اعظم محمد شہباز شریف سے وفاقی وزیر داخلہ اور چیئرمین پاکستان کرکٹ بورڈ (پی سی بی) سید محسن رضا نقوی نے ملاقات کی، جس میں مختلف اہم امور پر تبادلہ خیال کیا گیا۔
امریکا دورے پر بریفنگ:
محسن نقوی نے وزیر اعظم کو اپنے حالیہ دورہ امریکا کے دوران اہم امریکی حکام، کاروباری برادری اور سرمایہ کاروں سے ہونے والی ملاقاتوں کے بارے میں تفصیلات فراہم کیں۔
چیمپئنز ٹرافی کی تیاریوں پر گفتگو:
انہوں نے وزیر اعظم کو آئی سی سی چیمپئنز ٹرافی 2025 کے انعقاد کی تیاریوں سے آگاہ کیا، جس پر شہباز شریف نے پی سی بی کی ٹیم کی کاوشوں کو سراہا۔
اسلام آباد میں ترقیاتی کاموں پر رپورٹ:
وزیر داخلہ نے وزیر اعظم کو اسلام آباد میں جاری ترقیاتی کاموں پر پیش رفت کے بارے میں آگاہ کیا۔ شہباز شریف نے کام کی رفتار کو سراہتے ہوئے منصوبے بروقت مکمل کرنے پر ٹیم کو مبارکباد دی۔
امن و امان اور انسانی اسمگلنگ کے خلاف آپریشن:
محسن نقوی نے وزیر اعظم کو انسانی سمگلنگ میں ملوث گروہوں کے خلاف جاری آپریشن کی پیش رفت سے آگاہ کیا اور ملک کی مجموعی امن و امان کی صورتحال پر بھی بریفنگ دی۔ملاقات میں مختلف دیگر امور پر بھی تبادلہ خیال کیا گیا، جبکہ وزیر اعظم نے قانون نافذ کرنے والے اداروں کی کارکردگی کو مزید بہتر بنانے کے احکامات دیے۔
