بھارت کے دارالحکومت دہلی کے ریلوے اسٹیشن پر پیش آیا، جہاں کینیڈا سے تعلق رکھنے والی سولو ٹریول کانٹینٹ کریئیٹر کلاڈیا فالینٹا ٹرین کے لیے پہنچی تھیں۔
واقعے کے مطابق صبح تقریباً 4:30 بجے ایک شخص ان کے قریب آیا اور دعویٰ کیا کہ ان کا ٹکٹ جعلی ہے۔ اس شخص نے انہیں اسٹیشن سے باہر کسی دوسرے “دفتر” میں جا کر نیا ٹکٹ خریدنے کا مشورہ دیا، جس سے ظاہر ہوتا تھا کہ اس کا مقصد انہیں اصل ٹرین مس کروانے اور جعلی ٹکٹ بیچنے کی اسکیم تھی۔کلاڈیا نے انسٹاگرام پر اپنی ویڈیو میں بتایا کہ وہ فوراً شک محسوس کر گئیں اور اپنی موجودہ صورتحال کو قابو میں رکھتے ہوئے اصل ٹرین میں سوار ہونے میں کامیاب ہو گئیں۔ انہوں نے اپنے ویڈیو بیان میں اس اسکیم کے خطرات اور بھارت میں غیر ملکی سیاحوں کے ساتھ ہونے والے مشکوک رویوں کو بغیر فلٹر دکھانے کی کوشش کی۔
یہ پہلا موقع نہیں جب غیر ملکی سیاحوں کے ساتھ بھارت میں اس قسم کے تجربات سامنے آئے ہوں۔ اس سے قبل ایک کوریائی کانٹینٹ کریئیٹر نے پرانی دہلی میں ایک بزرگ شخص کی جانب سے دھوکہ دینے اور زائد رقم بٹورنے کی کوشش کا بھی ذکر کیا تھا۔کلاڈیا کے مطابق یہ تجربہ انہیں حیران کن اور خطرناک لگا، مگر بروقت اور ہوشیاری سے صورتحال پر قابو پا لیا گیا، اور اس واقعے نے بھارت میں غیر ملکی سیاحوں کے تحفظ اور دھوکہ دہی کے خطرات پر روشنی ڈالی۔
