دبئی ائیرپورٹ پر آرٹیفیشل انٹیلی جنس اسمارٹ کوریڈور متعارف

دبئی(آئی این پی )دبئی انٹرنیشنل ائیرپورٹ نے مسافروں کے لئے ریڈ کارپٹ اسمارٹ کوریڈور متعارف کروا دیا ہے، جس کی بدولت امیگریشن کا عمل اب صرف چند سیکنڈز میں مکمل ہو رہا ہے۔دبئی ائیرپورٹ کے جدید نظام میں پاسپورٹ یا بورڈنگ پاس دکھانے کی ضرورت نہیں اور مسافر بیک وقت 10 افراد کے ساتھ کوریڈور سے گزر سکتے ہیں۔یہ سہولت دنیا کا پہلا مصنوعی ذہانت (اے آئی ) پر مبنی مسافروں کا کوریڈور ہے اور فی الحال ٹرمینل تھری، بزنس کلاس ڈپارچر ہال میں دستیاب ہے۔دبئی حکام کے مطابق اس نظام سے خصوصا فیملیز کو سب سے زیادہ فائدہ ہوگا کیونکہ وقت کی بچت کے ساتھ ساتھ امیگریشن کا عمل زیادہ سہل اور تیز ہو گیا ہے۔GDRFA Dubai کے مطابق یہ اسمارٹ کوریڈور دبئی ائیرپورٹ کے مسافروں کے لیے ایک انقلابی سہولت ہے، جس سے امیگریشن کا عمل چند سیکنڈز میں مکمل ہوتا ہے۔ مستقبل میں اس سہولت کو تمام ٹرمینلز میں وسعت دینے کا منصوبہ ہے۔