ڈی جی نیشنل سائبر کرائم ایجنسی وقارالدین کو عہدے سے ہٹا دیا گیا

 گریڈ 21 کے افسر سید خرم علی  کو نیا ڈی جی نیشنل سائبر کرائم ایجنسی  تعینات ‘ نوٹیفکیشن جاری
اسلام آباد(  آن لائن ) وفاقی حکومت نے نیشنل سائبر کرائم ایجنسی کے ڈائریکٹر جنرل  وقارالدین سید  کو عہدے سے ہٹا دیا۔اسٹیبلشمنٹ  ڈویژن کی جانب سے جاری نوٹیفکیشن کے مطابق، وقارالدین سید کو اسٹیبلشمنٹ ڈویژن رپورٹ کرنے کی ہدایت  کی گئی ہے۔ان کی جگہ پولیس سروس آف پاکستان (PSP)  کے گریڈ 21 کے افسر سید خرم علی  کو نیا ڈی جی نیشنل سائبر کرائم ایجنسی  تعینات کر دیا گیا ہے۔ذرائع کے مطابق، اسٹیبلشمنٹ  ڈویژن نے تقرری اور تبادلے کے باضابطہ نوٹیفکیشن  بھی جاری کر دیے ہیں۔نئے ڈی جی سید خرم علی جلد اپنے عہدے کا چارج سنبھالیں گے۔