کوٹ لکھپت :فائرنگ سے دو افراد شدید زخمی

لاہور(کرائم رپورٹر) کوٹ لکھپت کے علاقے میں لڑائی جھگڑے کے دوران ہونے والی فائرنگ سے دو افراد زخمی ہو گئے۔ پولیس کے مطابق زخمی ہونے والوں میں 32 سالہ جابر اور 28 سالہ نعمان شامل ہیں جنہیں فائرنگ کے فوری بعد طبی امداد کے لیے جنرل ہسپتال منتقل کیا گیا، جہاں ڈاکٹرز کے مطابق دونوں کی حالت خطرے سے باہر ہے۔ واقعہ کی اطلاع ملتے ہی پولیس موقع پر پہنچی اور شواہد اکٹھے کرتے ہوئے تحقیقات کا آغاز کر دیا۔ پولیس حکام کا کہنا ہے کہ فائرنگ کی اصل وجہ اور پس منظر جاننے کے لیے مختلف پہلوؤں سے تفتیش کی جا رہی ہے۔ پولیس کا مزید کہنا ہے کہ واقعہ میں ملوث ملزمان کی شناخت کے لیے سی سی ٹی وی فوٹیجز حاصل کی جا رہی ہیں اور انہیں جلد گرفتار کرنے کے لیے کارروائیاں تیز کر دی گئی ہیں۔