ویب ڈیسک: وزیراعلیٰ پنجاب مریم نواز نے پنجاب بھر میں آٹے کی قیمتوں میں کمی کے پیش نظر روٹی کی قیمتوں میں بھی کمی کا حکم دے دیا ہے۔
ان کا کہنا ہے کہ آٹے کی قیمتوں میں کمی کا فائدہ براہ راست غریب عوام کو پہنچنا چاہیے، اس لیے روٹی کے نرخ آٹے کی قیمتوں کے تناسب سے کم کیے جائیں گے۔
اہم ہدایات:
روٹی کے نرخ تاریخ کی کم ترین سطح پر لانے کے لیے سخت اقدامات کیے جائیں گے۔چکن، سبزیوں اور دالوں کی قیمتوں کی بھی سخت مانیٹرنگ کی جائے گی تاکہ مہنگائی پر قابو پایا جا سکے۔وزیراعلیٰ نے کہا کہ غریب بچے کے لیے ہفتے میں ایک دن سستا چکن کھانا ممکن ہونا چاہیے، مگر چکن مہنگا ہو گیا تو غریب اس کا بھی مستحق نہیں رہتا، یہ صورتحال ناقابل قبول ہے۔
مریم نواز کا موقف:
"آٹے کے نرخوں میں کمی کا فائدہ عام لوگوں تک پہنچنا چاہیے، ہم اس کا براہ راست اثر روٹی کی قیمتوں پر دیکھیں گے تاکہ عام آدمی کی زندگی میں آسانی ہو۔"
مزید اقدامات:
محکمہ خوراک اور دیگر متعلقہ اداروں کو ہدایت کی گئی ہے کہ وہ قیمتوں پر نظر رکھیں اور ناجائز اضافے کی سختی سے روک تھام کریں۔عوام کو مناسب اور سستی اشیاء خوردونوش فراہم کرنے کے لیے موثر حکمت عملی اپنائی جائے گی۔یہ اقدام پنجاب حکومت کی طرف سے مہنگائی کے بڑھتے ہوئے دباؤ کو کم کرنے کی کوشش کے تحت اٹھایا گیا ہے تاکہ عام آدمی کی روزمرہ کی ضروریات میں آسانی پیدا کی جا سکے۔
